Сэлэнгэ аймгийн Монгол Ардын Намын хорооны дэргэдэх Социал Демократ Эмэгтэйчүүдийн холбооны ээлжит IX чуулган 2023.06.19-ний өдөр боллоо.

          Чуулганд 17 сум 6 тосгоны нийт 119 төлөөлөгч оролцлоо. Чуулганыг нээж аймгийн СДЭХ-ны дарга О.Уранчимэг үг хэлсэн бол УИХ-ын гишүүн, Сэлэнгэ аймгийн МАН-ын дарга Ж.Эрдэнэбат хуралдаанд хүрэлцэн ирсэн нийт төлөөлөгчид хандан мэндчилгээн дэвшүүлж, чуулганд амжилт хүслээ.

          Мөн чуулганд хүрэлцэн ирсэн эмэгтэйчүүддээ хандан Сэлэнгэ аймгаас сонгогдсон УИХ-ын гишүүн Ч.Ундрам, Д.Өнөрболор нар мэндчилгээ дэвшүүллээ. 

          Сэлэнгэ аймгийн СДЭХ-н IX чуулганаар О.Уранчимэг өнгөрсөн хугацаанд хийж хэрэгжүүлсэн ажлын тайлан илтгэл тавилаа. Ирсэн төлөөлөгчид тайлан илтгэлийг дүгнэн баталгаажуулав.

          IX дүгээр чуулганаар шинээр тэргүүн, тэргүүлэгчдийг сонголоо. Тэргүүнд аймгийн СДЭХ-ны тэргүүн О.Уранчимэг, Баянгол сумын МАН-ын хорооны дэд дарга А.Отгонжарал нар нэр дэвшиж, 58.3%-ийн саналаар О.Уранчимэг улиран сонгогдлоо.

           Мөн чуулганаар аймгийн МАН-ын хорооны дэргэдэх СДЭХ-ны тэргүүлэгчдийг 25, хяналтын хороог 5 хүний бүрэлдэхүүнтэйгээр шинэчлэн баталлаа. 

          Аймгийн СДЭХ-ны ээлжит IX чуулган 18:00 цагт өндөрлөлөө.